موضوع: *** صور زيت الحشيش *** الخميس يوليو 07, 2011 11:42 am
السلام عليكم يا احلى واغلى فتوكات فى الدنيا
طبعا كلنا سمعنا كتير عن زيت الحشيش واد ايه اتكلمنا فى قسم الشعر عنه كتير قبل كده فى اخت فى المنتدى كتبت عن زيت الحشيش الاصلى واد ايه هوا مفيد للشعر بالنسبه للطول والكثافه والنعومه وهيا كانت طبعا تقصد زيت الحشيش اللى معمول من حشائش الارض الخضرا
وبعدها بكام يوم دخلت اخت تانيه تحذرنا من زيت الحشيش انه وحش جدا وانه مصنوع من الحشيش اللى بيدمر خلايا المخ وانا دافعت عن الزيت لانه كويس بس ده خلانى اعمل بحث عن النت واكتشف ان فعلا فى نوعين من زيت الحشيش
واكتشفت التالى :
خدوا بالكم ان السوق نازل فيه نوعين فعلا لزيت الحشيش وده اللى اكتشفته مؤخرا النوع الاول النوع الكويس اللى هوا مصنوع من الحشائش الخضرا فعلا وده بيعمل على اطاله الشعروعن تجربه شخصيه منى انا وعلبته لونها اخضر غامق بتيجى مستورده من الامارات ومتبرشمه ومعاها روشته لكيفيه استعمال الزيت وده بيكون تمنه فى حدود تمن اى زيوت عاديه للشعر فى حدود التلاتينات ودى صوره لزيت الحشيش الاصلى الكويس
ده النوع الممتاز للشعر اللى كتبت عنه الاخت الفاضله مروه فى الاول وفعلا معاها حق
***اما بقى النوع التانى اللى هوا زيت الحشيش اياه فده بيكون سيء جدا للشعر وناس كتير استعملته لشعورهم ادى الى تساقط الشعر بطريقه فظيعه والجفاف والخشونه غير كده يا جماعه تمنه فعلا غاااااااااالى جدا جدا وبيوصل فى حدود المئات من الجنيهات وانا بحذركم منه ولون علبته اخضر فاتح ودى صورته
ده لازم تحذروا منه وهاتلاقوا سعره غالى يعنى من الاخر الاصلى هوا ابو علبه خضره غامقه وابو سعر رخيص وابو ريحه وحشه قريبه من الجاز يعنى فيه كل العبر ههههههه سبحان الله